1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Dünya ölkələrinin qlobal idman reytinqi cədvəlində 2024-cü ilin arxada qalan hissəsində baş tutan nüfuzlu yarışların nəticələri əks olunub.
Oxu.Az xəbər verir ki, Azərbaycan dünya ölkələri arasında 51-ci yerdədir. İdmançılarımız bu il 204 xal toplayıblar.
Bu xallar 8 növdə əldə olunan uğurlar hesabına mümkün olub. Cüdo yığmamız daha çox - 65 xal əldə edib.
Boksda 32, sərbəst güləşdə 28, yunan-Roma güləşində 25, taekvondoda 24, basketbolun 3x3 növündə 18, bədii gimnastikada 8, atletikada isə 4 xal qazanılıb. Azərbaycan ümumi siyahıda Finlandiya, Gürcüstan, Bolqarıstan, Kuba, Yamayka kimi ölkələri də qabaqlayıb.
Yığmamız Avropa ölkələri arasında 27-ci yerdədir. Kişi idmançılardan ibarət milli komanda 44-cü, qadınlar komandası isə 68-ci sıradadır.
Qeyd edək ki, 135 ölkənin olduğu siyahıya 6 371 xala malik ABŞ başçılıq edir.
