Bu sözləri Demokrat.az-a açıqlamasında psixoloq Aygün Cəfərova deyib. O bildirib ki, fikir dağınıqlığının bir çox səbəbləri var:
“Son zamanlar ümumiyyətlə texnologiyadan həddən artıq çox istifadə etmək əsas səbəblərdəndir. Həddən artıq dərs yükünün olması, yəni uşağın bacardığından artıq dərsin yüklənməsi birdən- birə zehni yorğunluğa gətirib çıxara bilər. Düzgün olmayan yuxu rejimi uşaqların diqqət probleminin yaranmasına çox təsir edir. Ən əsas səbəblərdən biri də emosional balansın olmaması, yəni ailədə daha çox münaqişələrin olması, sosial problemlər, ətrafdakı, mühitdəki uşaqlarla uyğunlaşa bilməməkdir.Bu da ilk növbədə bizim psixi proseslərimizin inkişafına mane olur.
Psixoloq valideynlərə bu məsələdə tövsiyələr edib:
“Tövsiyəmiz o olardı ki, valideynlər uşaqların yuxusunu öncə nizamlasın, uşağın yaşına görə sağlam yuxu vacibdir. İkinci növbədə texnologiyadan balanslı istifadə, ən önəmlisi də ailədə bu emosional balansı nizamlamaqdır. Uşaq qidasını düzgün qəbul etsin, sosial şəbəkələrdən balansını istifadə etsin. Amma evdə emosional gərginliklər pik səviyyədə olarsa, onun heç bir təsiri olmayacaq"
Mehriban Mirzəzadə
Demokrat.az