İsrail ordusu Livanla sərhədə yaxın üç yaşayış məntəqəsini qapalı hərbi zona elan edib.
Bakupost.az İsrail KİV-ə istinadla xəbər verir ki, bu barədə ordunun mətbuat xidməti məlumat yayıb.
“Vəziyyət qiymətləndirildikdən sonra İsrailin şimalındakı Metula, Misgav Ama və Kfar Giladi əraziləri qapalı hərbi zona elan edilib. Bu əraziyə giriş qadağandır”, - deyə məlumatda bildirilir.
Qərar İsrailin Livan ərazisində mümkün quru əməliyyatı gözləntiləri fonunda açıqlanıb.
İsrailin müdafiə naziri Yoav Qalant isə “X” sosial şəbəkəsində Livan “Hizbullah” hərəkatına qarşı hərbi əməliyyatın növbəti mərhələsinin tezliklə başlayacağını açıqlayıb.
Zaur, BakuPost
