Purdue Universiteti və NASA-nın Reaktiv Hərəkət Laboratoriyasından olan amerikalı alimlər kiçik Ceres planetinin keçmişdə su dünyası olduğunu irəli sürürlər.
HİT.az xəbər verir ki, tədqiqat "Nature Astronomy" (NatAstro) elmi jurnalında dərc olunub.
Ceres Günəş sistemindəki cırtdan planetlərin ən kiçiyidir. O, Mars və Yupiter arasındakı asteroid qurşağında, Yerdən 263,8 milyon kilometr məsafədə yerləşir. Ceres Yerin Ayından 3,5 dəfə kiçikdir və onun ümumi səth sahəsi Argentina ərazisi ilə müqayisə edilə bilər (3 milyon kvadrat kilometr).
Komanda Ceresin buzlu səthindəki kraterlərin milyardlarla il ərzində necə deformasiyaya uğradığını anlamaq üçün kompüter modelləşdirməsindən istifadə edib.
Simulyasiyalar göstərib ki, Ceresin buzunun xüsusiyyətləri onun bütün planetin 90%-ni təşkil edə biləcəyini göstərir.Alimlərin fikrincə, əvvəllər Ceres Avropanı (Yupiterin peyklərindən biri) xatırladan palçıqlı və lil ilə dolu okeanla örtülü olub. Vaxt keçdikcə donub, buz və kir qabığı yaradıb.
Mütəxəssislər qeyd ediblər ki, Ceres Yerə nisbi yaxın olması səbəbindən gələcək tədqiqat missiyaları üçün əlverişli hədəfə çevrilə bilər.
Samir
