“Napoli”nin baş məşqçisi Antonio Konte İtaliya A Seriyasının 6-cı turu çərçivəsində “Montsa”ya qarşı keçirdikləri ev oyununu şərh edib.
Arena.az xəbər verir ki, italyan mütəxəssis 2:0 hesabıyla qalib gəldikləri bu oyundan sonra jurnalistlərə açıqlamasında bunları qeyd edib:
“Avropa yarışlarında oynamamağın bir üstünlüyü və bir mənfi tərəfi var. Üstünlük odur ki, komandanı bütün həftə ərzində çalışdıra bilərsiniz. Mənfi cəhət odur ki, heyət Avropada oynayanlar qədər rəqabətəqadir deyil.
“Napoli”ni 10-cu yerə deyil, layiq olduğu yerə çatdırmaq üçün oyunumuzu daha da yaxşılaşdırmalıyıq”, deyə Konte vurğulayıb.
İtalyan mütəxəssis həmçinin komandanın İtalya A Seriyasının yarış cədvəlində liderliyi ələ keçirməsini qiymətləndirib:
“Biz xəyalları gerçəkləşdirmək üçün onları qidalandıran surətdə işləməyə çalışırıq. Gerçəklik deyir ki, biz xəyal qanadlarında uçuşlardan çox uzağıq. Məndən böyük gözləntilərin olduğunu bilirəm, amma qoy azarkeşlərimiz xəyal etsinlər, mən isə yerdə möhkəm ayaq tutmalıyam.
Biz yenidənqurma fəaliyyətinə başlamışıq. Qarşıda hələ çoxlu komandalar var. “Montsa”ya qarşı olduğumuz kimi, hər oyunda tər töküb tərəqqi etməliyik. Birgə işə başlamağımızdan üç aydan az vaxt keçib. Tam yenidənqurma işlərindən ilk olaraq prezident söhbət açıb.
Arxada cəmi altı oyun qalıb, təqvim hələ çox çətin deyil. Mənə böyük həzz verən, böyük fədakarlıqla çalışan uşaqlara görə isə şadam. Onların hazırlığını görmək çox vacibdir. Mən artıq bu komandaya aşiq olmuşam. Mən bunu arxayınlıqdan irəli gələrək demirəm. Yaxşı ab-hava yaradılıb. Biz bu yolda davam etməliyik. “Biz” baxımından düşünməyə davam edin”, – Antonio Konte vurğulayıb.
Xatırladaq ki, ötən mövsüm “Napoli” İtaliya çempionu qismində bərbad oyunla yadda qalmış, mövsümü isə 10-cu pillədə başa vuraraq, avrokuboklara vəsiqə qazana bilməmişdi.
Cari mövsümün 6 turundan sonra “Napoli” İtaliya A Seriyasının yarış cədvəlində 13 xalla zirvədə qərarlaşıb.
