İran İslam Respublikası bütün Aİİ üzvü olan ölkələrin Çabahar limanına çıxışını təmin etməyə hazırdır, İranın sənaye, mədən və ticarət naziri Seyid Məhəmməd Attabak Yerevanda Avrasiya İqtisadi Forumunda “Aİİ-İran biznes dialoqu” panel müzakirəsi zamanı deyib.
Onun sözlərinə görə, ölkənin coğrafi mövqeyi Avropaya yüklərin tranzitinin təşkilini asanlaşdırır. İran ərazisindən Qara dənizi Xəzər dənizi və Hind okeanı ilə birləşdirən müxtəlif nəqliyyat dəhlizləri keçir.
Attabak qeyd edib ki, Hind okeanındakı Çabahar limanına çıxış Aİİ ilə əməkdaşlıq istiqamətlərindən biridir. “Artıq Ermənistana giriş verilib. Biz bu layihəni tam dəstəkləyirik. Bundan başqa, limanda Aİİ-yə üzv olan bütün ölkələrin mövcudluğu üçün infrastruktur artıq hazırdır”, iranlı nazir qeyd edib.
Ülviyyə, Hurriyyet.az
