NATO-nun keçmiş baş katibi Yens Stoltenberq izah edib ki, ərazisinin bir hissəsi işğal edildikdə, Ukraynanın dəvət edilib-edilməməsi Alyansa üzv dövlətlərin öz işi olacaq.
“Ukrainskaya Pravda” yazır ki, Stoltenberqin izah etdiyi kimi, “üzvlüyün konkret olaraq necə tətbiq olunacağı və ya Ukrayna üçün işləməsi NATO müttəfiq ölkələrindən asılıdır və biz hamımız bunu anlayırıq”.
“Əlbəttə, əgər Ukraynanın (NATO-ya) üzv olmasının yeganə yolunun müharibənin başa çatması və bütün Ukrayna ərazisinə tam nəzarət olduğunu desək, onda biz prezident Putinə sadəcə olaraq müharibəni davam etdirmək üçün bir yol tapmaq üçün hər cür stimul veririk”, - Alyansın keçmiş baş katibi qeyd edib.
“Ancaq mənim əsas mesajım odur ki, Ukrayna üçün NATO-nun təhlükəsizlik zəmanətləri davamlı və ədalətli sülhü təmin etməkdir”, - o əlavə edib.
Ukraynanın qismən işğal olunmuş əraziləri ilə Alyansa üzv olması ilə bağlı ssenarinin prinsipcə mümkün olub-olmaması ilə bağlı suala Stoltenberq vurğulayıb ki, buna “NATO müttəfiqləri qərar verir”. Lakin o əlavə edib ki, bu, Rusiyanın gələcək təcavüzünün qarşısının alınmasının qarantına çevrilməlidir.
"Yenə də Ukrayna nəyin məqbul olduğuna özü qərar verəcək. Təbii ki, NATO müttəfiqləri 5-ci maddənin təminatlarının Ukrayna ərazisinin bəzi hissələrinə şamil edilib-edilməyəcəyinə qərar verəcəklər", - Stoltenberq bildirib.
Ukraynanın NATO-ya “hissələrlə” (yəni qismən işğal olunmuş ərazilərlə) mümkün dəvəti ideyası keçən il Alyansın Vilnüs sammitinə hazırlıq fonunda fəal müzakirə olunub.
Onu da xatırladaq ki, ötən həftə Çexiya prezidenti Petr Pavel qeyd etmişdi ki, Ukrayna müharibə bitdikdən sonra bəzi ərazilərinin Rusiyanın nəzarəti altında “müvəqqəti” mövcudluğu ilə barışmalıdır.
Almaz Həsənli
