Oktyabrın 2-də Sakit Okeanın ekvator zonasında Bakı vaxtı ilə saat 20:51-də həlqəvi Günəş tutulması gözlənilir.
Bu barədə Moskva Planetariumunun mətbuat xidməti məlumat yayıb.
Tutulma həlqəvi olacaq, çünki Ay Günəşin diskini tam əhatə edə bilməyəcək - Ay diskinin ətrafında parlaq bir halqa qalacaq. Eyni zamanda, Ay Yerə 266 km enində kölgə salacaq. Tutulma əvvəlcə şərqə, sonra isə cənub-şərqə, Sakit Okean boyunca yayılacaq.
Xatırladaq ki, aprelin 8-də ABŞ, Meksika və Kanadadan tam Günəş tutulmasını görmək mümkün olub. Demək olar ki, 32 milyon insan bunun şahidi olub. Bu tutulma ABŞ-ın hər yerində göründüyü üçün ona "Amerika" tutulması deyilir./BAKU.WS
