“Barselona” heyətini formalaşdırmaq üçün planlar qurur. Hazırda vəziyyət belədir ki, yeni gələnlərlə müqavilə bağlamaq üçün kataloniyalılar kiminləsə yollarını ayırlmalıdır.
Sportinfo.az “TodoFichajes”-ə istinadən xəbər verir ki, “Barsa” qış transfer pəncərəsində müdafiəçi Andreas Kristenseni satmağı planlaşdırır.
28 yaşlı Kristensen mövsümün əvvəlində zədələnib və o vaxtdan bəri meydana çıxmayıb. Danimarkalı futbolçunun qış transferinin qiyməti təxminən 30 milyon avro ola bilər.
Kristensen “Barselona”nın heyətində 75 rəsmi oyun keçirib, 4 qol vurub və 3 məhsuldar ötürmə edib.
