“Netanyahuya deyin ki, İran müharibə aparmır, lakin istənilən təhdidlərə sərt cavab verir”.
Bunu İran Prezidenti Məsud Pezeşkian “X” hesabında yazıb.
Prezident bildirib ki, İranın İsrailə raket zərbələri ölkənin “qanuni hüquqlarına” əsaslanıb.
“Bu addım İranın maraqlarını və vətəndaşlarını müdafiə etmək üçün atılıb. Netanyahu bilməlidir ki, İran müharibəni qızışdıran deyil, lakin istənilən təhlükəyə qarşı qətiyyətlə dayanır. Bu, gücümüzün yalnız kiçik bir hissəsidir. İranla münaqişəyə girməyin”, – Pezeşkian vurğulayıb.
