"Mançester Siti"nin və Norveçin hücumçusu Erlinq Haland dünyanın ən bahalı futbolçusu olub.
Bizim.Media xəbər verir ki, oktyabrın 1-də Transfermarkt portalı İngiltərə Premyer Liqasının bəzi oyunçularının qiymət etiketlərini yeniləyib və 24 yaşlı futbolçunun dəyəri 180 milyon avrodan 200 milyon avroya yüksəlib.
Əvvəllər Haland reytinqin 1-ci pilləsini “Real”ın oyunçuları Vinisius Junior, Cud Bellingem və Kilian Mbappe ilə bölüşürdü. Onların dəyəri hələlik 180 milyon avro olaraq qalır.
Lakin bu, oktyabrın 11-də oyunçularının qiymət siyahılarını yeniləndikdə dəyişə bilər. Haland, eyni zamanda, 200 milyon avroya çatan ikinci oyunçu olub. 2018-ci ilin əvvəlində Mbappe bunu bacarmışdı.
Qeyd edək ki, bu mövsüm Erlinq İngiltərə çempionatında 6 matçda 10 qol vurub.
Rəşad Rafiqoğlu, Bizim.Media
