1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"PAŞA Real Estate Group" inşaat sektorunda fəaliyyət göstərən təchizatçıları "Potensial Təchizatçılarla Görüş Günü"nə dəvət edir. Tədbir yerli təchizatçılara "PAŞA Real Estate Group"un mövcud və gələcək layihələri haqqında ətraflı məlumat almaq, qarşıdan gələn tenderlərdə iştirak imkanı qazanmaq və əməkdaşlıq perspektivlərini müzakirə etmək üçün dəyərli bir fürsət təqdim edir.
Təchizatçılar görüş zamanı "PAŞA Real Estate Group"un genişmiqyaslı layihələri ilə bağlı daha dərin məlumat əldə edərək, qarşıda reallaşdırılacaq tenderlərə erkən hazırlıq imkanı qazanacaqlar.
Tədbirdə iştirak etmək üçün təchizatçılar, sadəcə aşağıda təqdim olunan link vasitəsilə qeydiyyatdan keçə bilərlər.
Qeydiyyat üçün: https://www.surveymonkey.com/r/TQ73LXW
Qeyd edək ki, görüşdə iştirak dəvət əsasında gerçəkləşəcək və yalnız seçilən şirkətlər tədbirə dəvət olunacaqlar.
"PAŞA Real Estate Group" haqqında:
"PAŞA Holdinq"in aparıcı törəmə müəssisəsi olan "PAŞA Real Estate Group" Azərbaycan, Türkiyə, Gürcüstan, Özbəkistan və Monteneqroda geniş iş fəaliyyəti ilə tanınır. Əmlak aktivlərinin dəyərini maksimal dərəcəyə çatdırmağı və müştəri məmnuniyyəti səviyyəsini yüksəltməyi hədəfləyən "PAŞA Real Estate Group" daşınmaz əmlakın idarə edilməsi sektorunda inqilabi dəyişikliklər və üstün investisiya gəlirlərini təmin etməyi əsas məqsəd olaraq görməkdədir.
