Acı xiyarı yemək təhlükəlidirmi?

Məşhur tərəvəzlərdən olan xiyarın bəzən acı və büzücü dadı olduğuna çoxlarımız rastlaşmışıq. Bunun səbəbi kimyəvi çirklənmə ola bilərmi?
Hanoi Elm və Texnologiya Universitetinin Biotexnologiya və Qida Texnologiyası İnstitutunun keçmiş müəllimi, doktor Nguyen Duy Thinh açıqlayıb ki, xiyarın ortası acı, büzücü və süngər kimi olduğu hallarda sağlamlıq üçün təhlükə yarada biləcəyi üçün onu atmaq məsləhətdir. Kimyəvi cəhətdən çirklənmiş xiyarları sadə müşahidə yolu ilə müəyyən etmək çətin olur. Bununla belə, həddindən artıq sarı ləkələr və ya solğun, selikli teksturası olan, xarab görünən xiyarları almaqdan və istehlak etməkdən çəkinməlisiniz.
İstifadədən əvvəl xiyar 10 dəqiqə duzlu suda saxlanılmalı, sonra qabıqları soyulmalı və ucları kəsilməlidir.
Xiyar bitki birləşmələri və antioksidantlar da daxil olmaqla qiymətli qida mənbəyidir və aşağı kalorili olduğundan arıqlamağa və formasını qorumağa çalışanlar üçün ideal qidadır. Buna baxmayaraq, böyük miqdarda xiyar istehlakı həzm pozğunluğuna və sidik ifrazının artmasına səbəb ola bilər.
“Həddindən artıq xiyar istehlakı həddindən artıq kalium yüklənməsi ilə nəticələnə bilər ki, bu da şişkinlik və mədə ağrısına səbəb olur. Bağırsaq problemləri, həzm sistemi pozuntusu və ya böyrək xəstəliyi olan şəxslər xiyar yeyərkən diqqətli olmalıdırlar”, -deyə doktor vurğulayıb.
Nubar Süleymanova, “İki sahil”