Çempionlar Liqasının Liqa mərhələsinin 2-ci turunda dünən evdə "Seltik"i 7:1 hesabı ilə darmadağın edən Dortmund "Borussiya"sının baş məşqçisi Nuri Şahin oyun barədə fikirlərini bölüşüb.
Fanat.Az xəbər verir ki, UEFA-nın rəsmi saytı onun sözlərini belə çatdırıb:
"Olduqca məmnunam, amma bu oyuna başqa tərəfdən də baxa bilərəm. Ən xoş olan budur ki, biz üzərimizə düşən işin öhdəsindən gəldik. Matç ərzində yalnız irəli getməyə hədəflənmişdik. Belə oynayanda bizi məğlub etmək çətindir. Meydanda qoyduğumuz gücdən, xərclədiyimiz enerjidən çox razıyam. İnkişaf yönündə ciddi addım atdıq".
Nihat
