Oktyabrın 7-də Moskvada Rusiyanın xarici işlər naziri Sergey Lavrovun sədrliyi ilə Müstəqil Dövlətlər Birliyinin Xarici İşlər Nazirləri Şurasının (MDB Xarici İşlər Nazirləri Şurasının) növbəti iclası keçiriləcək.
Ucnoqta.az xəbər verir ki, bu barədə Rusiya Xarici İşlər Nazirliyinin İnformasiya və Mətbuat Departamentinin direktoru Mariya Zaxarova brifinqdə bildirib.
Rusiya Xarici İşlər Nazirliyinin rəsmi nümayəndəsinin sözlərinə görə, aktual beynəlxalq və regional mövzular üzrə fikir mübadiləsi də nəzərdə tutulub. İclasın yekununda hüquq-mühafizə və humanitar sahələrdə qarşılıqlı fəaliyyətin artırılmasına, MDB çərçivəsində xarici siyasətin koordinasiyasının artırılmasına yönəlmiş bir sıra qərarların qəbulu gözlənilir.
