Yəmənin “Ənsar Allah” hərəkatının husi üsyançıları Təl-Əvivin köhnə Yaffa şəhərinə pilotsuz təyyarələrlə zərbələr endirib.
Təşkilatın hərbi sözçüsü Yəhya Saria hücuma keçən pilotsuz təyyarələrin hədəflərinə çatdığını bildirib.
“Yəmən Hərbi Hava Qüvvələri Təl-Əvivdə həyati əhəmiyyət kəsb edən Yaffaya pilotsuz uçuş aparatları ilə hücum edərək əməliyyat həyata keçirib”, – deyə Saria husilərə aid “Al Masirah” telekanalında bildirib.
Onun sözlərinə görə, İsrailin hava hücumundan müdafiə qüvvələri atılan hücum pilotsuz təyyarələrini vura bilməyib. İsrail Müdafiə Qüvvələri (IDF) isə Təl-Əvivə hücumu şərh etməyib. Lakin bu səhər İsrail hərbçiləri ölkənin mərkəzi hissəsində sahilə yaxınlaşarkən “şübhəli hədəfi” ələ keçirdiklərini bildiriblər.
//Samir Qurbanov, Editor.az
