Bu yay Edin Terziçin ayrılmasından sonra Dortmund ''Borussiya''sında köməkçi məşqçi vəzifəsindən baş məşqçi vəzifəsinə gətirilən Nuri Şahin üçün yeni dönəm çox uğurlu başlayıb.
"Borussiya'' 36 yaşlı mütəxəssisin başçılığı altında keçirdiyi ilk 8 rəsmi oyundan 6 qələbə, 1 heç-heçə, 1 məğlubiyyətlə ayrılıb. Yeganə məğlubiyyət bundesliqa çərçivəsində səfərdə ''Ştutqart''la oyunda (1:5) qeydə alınıb.
''Arılar'' hələ ki, türkiyəli məşqçi ilə hər oyuna orta hesabla 2,38 xal toplayırlar. Nuri Şahin bu göstərici ilə cari mövsüm Avropada yaşı 40-dan az olan məşqçilər arasında Vensan Kompani ilə birlikdə ilk iki pilləni bölüşdürür. ''Bavariya'' da 38 yaşlı Kompaninin başçılığı altında 8 rəsmi oyundan 6 qələbə, 1 heç-heçə, 1 məğlubiyyətlə ayrılıb.
Onu da bildirək ki, ''Borussiya''nın ''Seltik''i 7:1 yenməsi ilə Nuri Şahin ÇL-də türkiyəli məşqçilər arasında ən böyükhesablı qələbənin müəllifi oldu.
Əvvəlki rekord Fatih Terimə məxsus idi. 1999-da onun başçılığı altında ''Qalatasaray'' səfərdə ''Herta''nı 4:1 yenmişdi.
ƏLİ
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
