“GiveMeSport” portalı dünyanın həddən artıq qiymətləndirilən futbolçularının reytinqini tərtib edib.
Yeniavaz.com xəbər verir ki, Səudiyyə Ərəbistanının “Əl-Hilal” klubunun braziliyalı oyunçusu Neymar siyahıya rəhbərlik edib.
Siyahıda ikinci yerdə Londonun “Çelsi” klubundan Joao Feliks qərarlaşıb. İlk üçlüyü “Paris Sen-Jermen”dən Canluici Donnarumma tamamlayıb.
Qeyd edək ki, Neymar 2023-cü ilin yayında 90 milyon avroya Fransanın “Paris Saint-Germain” klubundan “Əl-Hilala” keçib. O, yeni komandasında 5 oyun keçirib və bir qol vurmağı bacarıb. Oktyabrın 18-də Neymar Braziliya millisinin Uruqvayla matçında dizindən zədə alıb. Onun sağalması üçün 10 ay çəkəcəyi gözlənilir.
Neymar 2013-2017-ci illərdə ”Barselona”da çıxış edib. “Barselona”nın üzvü kimi o, iki dəfə (2014/15, 2015/16) İspaniya çempionu və üç dəfə İspaniya kubokunun qalibi olub. 2014/15 mövsümündə kataloniyalılar Çempionlar Liqasının qalibi olub.
2010-cu ildən Neymar beynəlxalq arenada Braziliya millisində çıxış edir. 2016-cı ildə olimpiya çempionu olub.
