London, 6 oktyabr, AZƏRTAC
La-Manş boğazını keçməyə çalışan iki ayrı miqrant qayığının mühərriklərində nasazlıq yaranıb.
AZƏRTAC xəbər verir ki, nəticədə dörd nəfər həyatını itirib. Ölənlərdən ikisinin uşaq olduğu bildirilib.
Fransanın dövlət qurumlarının verdiyi məlumata görə, 2024-cü il ərzində Birləşmiş Krallığa getmək məqsədilə La-Manş boğazını keçməyə çalışan 51 miqrant həyatını itirib. Fransa və Britaniya hökumətləri qeyri-qanuni miqrasiyaya qarşı birgə tədbirlər görsə də, faciələrin qarşısını almaq hələ də mümkün olmur.
Aytən Abbaslı
AZƏRTAC-ın xüsusi müxbiri
London
