“Tarixən belə olub: bilənlər, bacaranlar, böyük dövlət adamları millətininin qarşısında dayanan problemi həll edib, inkişafı üçün yeni üfüqlər açıblar”. Xalqcəbhəsi.az xəbər verir ki, bu fikirləri Milli Məclisin sədr müavini Musa Qasımlı deyib. M.Qasımlı bildirib ki, az bilənlər özlərini çox bilmiş kimi göstərib təkliflər veriblər: “Bilməyənlər daim tənqid ediblər. Heç bir şeyi bacarmayanlar, əllərindən bir iş gəlməyənlər isə böhtan, şər, qarayaxma və çamur atmaqla məşğul olublar.
44 günlük Vətən müharibəsi və lokal xarakterli antiterror tədbirləri nəticəsində qazanılan qələbə və ondan sonrakı proseslər bunu bir daha təsdiq etdi”.
