BMT-nin İqlim Dəyişiklikləri üzrə Hökumətlərarası Panelinin sədri Cim Skee bildirib ki, qlobal istiləşmə Selsi üzrə üç dərəcəni keçərsə, Cənubi Avropa ölkələri səhralaşma riski ilə üzləşəcək.
Tribunainfo.az The Daily Telegraph-a istinadən xəbər verir ki, onun sözlərinə görə, Bütün Avropa həssasdır, xüsusən də Aralıq dənizi.
“Biz artıq səhralaşmanın təkcə Şimali Afrikada deyil, həm də Yunanıstan, Portuqaliya və Türkiyə kimi Avropanın cənub axarlarında baş verdiyini görürük”, – Skee bildirib.
Onun sözlərinə görə, 2100-cü ilə qədər üç dərəcə Selsi qlobal istiləşmə baş verə bilər. Mütəxəssisin fikrincə, bu arada Qərbi Avropa və Böyük Britaniya əsrin sonuna qədər daha da 5 dərəcə Selsiyə qədər istiləşmə ilə üzləşəcək.
Qlobal istiləşmənin ən böyük risklərindən biri isti və rütubətli iqlimin inkişafı ola bilər. Ski bunun iqtisadi problemlər yarada biləcəyini, xüsusən də Polşanın kartof yetişdirməkdə çətinlik çəkə biləcəyini, İtaliyanın isə makaron istehsalında istifadə edilən bərk buğda sortlarının yoxa çıxması ilə üzləşdiyini qeyd edib.
Ekspert bildirib ki, bəşəriyyət qlobal istiləşməni Selsi üzrə bir yarım dərəcədən aşağı saxlamaq şansını artıq əldən verib və onu iki dərəcədən aşağı saxlamaq üçün “qəhrəmancasına səylər” lazımdır. Skinin fikrincə, iqlim dəyişikliyi artıq gələcək onilliklərin işi deyil, bu, indi baş verir və bəşəriyyət buna uyğunlaşmalıdır.
Dəniz Pənahova
