"Xiaomi" mətbəx cihazları çeşidini genişləndirməyə davam edir. Bu dəfə şirkət yeməyi qızdırmaq üçün qrafen qızdırıcı təbəqəsi olan "Mijia Foldable Food Warming Board"u təqdim edib.
Redaktor.az xəbər verir ki, yeni məhsul mikrodalğalı sobaya alternativ olub, yeməkləri qızdırmağa, ətin buzunu əritməyə, meyvələri qurutmağa və hətta xəmir hazırlamağa imkan verir.
Cihaz qatlanır və üç hissədən ibarətdir, hər biri üçün ayrıca temperaturu tənzimləmək mümkündür. Eyni zamanda, panelin altındakı səth sərin qalır, təhlükəsiz istifadəni təmin edir.
40 ilə 130 dərəcə arasında cəmi beş temperatur parametrləri mövcuddur ki, bu da lövhəni müxtəlif mətbəx tapşırıqları üçün istifadə etməyə imkan verir. Cihazın yuxarı hissəsi asanlıqla təmizlənir və qida ilə birbaşa təmasda olmaq üçün təhlükəsizdir.
Sevinc İBRAHİMZADƏ
