1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Avtomobilin təhlükəsizliyində düzgün seçilmiş disklər keyfiyyətli şinlər qədər vacib rol oynayır".
Oxu.Az-ın "Tarantas Nyus"a istinadla verdiyi məlumata görə, bu barədə rusiyalı avtomobil mütəxəssisi Leonid Demin bildirib. O, disk seçərkən nələrə diqqət yetirməyin zəruri olduğu barədə faydalı tövsiyələr verib.
Mütəxəssisin sözlərinə görə, disk alarkən sürücülər ilk olaraq yük hesablamalarına əsaslanmalıdırlar.
"Bu hesablamalar avtomobilin çəkisini və istismar şəraitini nəzərə alır. Yaxşı seçilmiş disklər təkərin möhkəmliyini və yüngüllüyünü təmin edir", - deyə o izah edib.
Ekspert vurğulayıb ki, döymə disklərin icazə verilən yüklərə uyğun olmasını yoxlamaq vacibdir.
"Müasir ağır avtomobillər, xüsusən də SUV-lər üçün 500 kiloqram yükə hesablanmış disklərdən istifadə etmək təhlükəsizdir. Həmçinin əvvəlcədən şinlərin ölçüsünü müəyyən etmək lazımdır: geniş şinləri dar disklərə və ya əksinə quraşdırmağın mənası yoxdur", - deyə mütəxəssis vurğulayıb.
Almamışdan əvvəl Demin bolt naxışının parametrlərinin və göbək dəliyinin diametrinin avtomobilin tələblərinə uyğun olduğuna əmin olmağı məsləhət görüb:
"İstehsalçılar bu parametrləri avtomobilin istehsal ilindən asılı olaraq dəyişə bilərlər və səhvlər yeni təkərlərin uyğunsuzluğuna səbəb ola bilər. İlk alış zamanı parametrlərin dəqiq ölçülməsi üçün avtomobil servisinə müraciət etmək tövsiyə olunur".
Demin, həmçinin məşhur markaların disklərini seçməyi məsləhət görüb.
