...Hacıqabul rayonunun sel imtahanı hər kəsə bəlli oldu...
Və Fövqəladə Hallar Nazirliyinin (FHN) Mülki müdafiə qoşunlarının qüvvələri dərhal zəruri və təxirəsalınmaz tədbirlərin görülməsi üçün Hacıqabulda subasmaya məruz qalan ərazilərə cəlb olundu. Nazirliyin qüvvələri tərəfindən subasmaya məruz qalmış ərazilərdən suyun çəkilərək kənarlaşdırılması, bəzi köməksiz vəziyyətdə qalan vətəndaşların təxliyəsi və digər zəruri təhlükəsizlik tədbirləri həyata keçirildi. Rayon mərkəzi də daxil olmaqla, Qızılburun, Atbulaq, Qubalı-Baloğlan, Pisaat, Nəvahi kəndləri ciddi zərər çəkib. Hacıqabulun mərkəzində elektrik verilişi dayandırılıb. Hazırda təbi fəlakətin nəticələrinin aradan qaldırılması üçün FHN-nin Muğan Regional Mərkəzinin texnika və canlı qüvvəsi hadisə yerinə cəlb olunub. Həyətlərdən suların çəkilməsi istiqamətində lazımi tədbirlər görülür. Həmçinin rayondan keçən magistral dımiryolu xəttinə də ciddi ziyan dəyib...
XXX
Bunları niyə xatırlatdıq: son 30 ildı Hacıqabul rayonunda bildiyimiz qədər, 6 icra başçısı dəyişib, amma rayon mərkəzinin kanalizasiya sistemi dəyişməz qalıb. Magistral dəmiryolu xətti rayon mərkəzini iki yerə ayırır.
