Amerikalı milyarder İlon Mask son 3 ayda Donald Trampın seçki kampaniyasına ümumilikdə 75 milyon dollar ianə bağışlayıb.
“AzPolitika” xəbər verir ki, bu barədə ABŞ-nin Federal Seçki Komissiyası məlumat yayıb.
Məlumata görə, Maskın ianələri iyul, avqust və sentyabr aylarını əhatə edib.
Digər tərəfdən, uzun müddətdir Trampın güclü tərəfdarı olan Miriam Adelson və Riçard Uihleyn kimi Respublikaçılar Partiyasının tərəfdarlarının da bu müddət ərzində ianələrini artırdığı qeyd edilib. İsrailə verdiyi dəstək və Trampın 2016-2020-ci illərdə prezidentliyi dövründə İsrail lehinə addımlar atması üçün sıx səylər göstərməsi ilə tanınan Adelson ailəsi bu müddət ərzində Trampa 95 milyon dollar bağışlayıb. Digər milyarder iş adamı Uihleyb isə eyni dövrdə Trampın seçki kampaniyasına ümumilikdə 50 milyon dollar ianə edib.
“FEC”-in son məlumatlarına görə, Demokrat namizəd Kamala Harris son 3 ayda ümumilikdə 678 milyon dollar, Respublikaçı Tramp isə ümumilikdə 310 milyon dollar ianə toplayıb.
“AzPolitika.info”
