İki ildən sonra fəaliyyətini bərpa edən «Ağsu Siti» Region Liqasının yeni mövsümündə mübarizə aparmayacaq.
Bu, AFFA-nın icraçı vitse-prezidenti və baş katibi Sərxan Hacıyevlə klubun prezidenti Rəmzi Eminlinin görüşündə dəqiqləşib.
Federasiya rəsmisi qarşı tərəflə söhbəti zamanı bəzi problemləri önə çəkib.
O. klubun vaxtilə çempionatı yarımçıq tərk etməsini, həmçinin stadionla bağlı məsələni xatırladaraq, növbəti çempionatda iştirakın mümkün olmadığını bildirib.
Bununla belə, Hacıyev liqanın qapılarını Aran təmsilçisinin üzünə tam bağlamayıb.
İcraçı vitse-prezidenti qeyd edib ki, «Ağsu Siti» 2025/26-cı il mövsümündən iştirakçılar sırasına qoşulmaq imkanı müzakirəyə çıxarılacaq.
SPORTİNFO.AZ
