ABŞ-də (ABŞ) "Blade Runner 2049" filminin prodüser şirkəti İlon Maska qarşı müəllif hüquqları ilə bağlı iddia qaldırıb.
"Cebheinfo.az"-ın "New York Times"-a istinadən xəbərinə görə, baş rollarda Rayan Qoslinq və Harrison Fordun çəkildiyi “Blade Runner 2049” filminin istehsal şirkəti olan “Alcon Entertainment”in rəsmiləri oktyabrın 10-da Teslanın sürücüsüz avtomobili Robotaxinin tanıtımında filmdəki səhnələri əks etdirən Qoslinqin bənzəri də daxil olmaqla, süni intellektin yaratdığı şəkillərdən “icazəsiz və qeyri-qanuni istifadə edildiyini” bildirib.
Şirkət rəsmiləri Maskın özbaşına davranışları səbəbindən filmdən kadrlardan istifadə etmək istəyini rədd etdiklərini və müəllif hüquqlarının pozulmasına görə Maska, "Tesla" və film yayımı şirkəti "Warner Bros. Discovery"-yə qarşı iddia qaldırdıqlarını bildiriblər.
Şirkət rəsmiləri istehsal etdikləri “Blade Runner 2099” serialının ortaqlığı üçün digər avtomobil markaları ilə də danışıqlar apardıqlarını və bu danışıqları pozmaq istəmədiklərini bildiriblər.
