“Onlar hər zaman olduğu kimi obyektlərimizə alçaq və şərəfsiz hücum edərək millətimizin dincliyini pozmağa çalışdılar”.
Reyting.az xəbər verir ki, bunu Türkiyənin müdafiə naziri Yaşar Gülər dünən Ankarada Türk Aerokosmik Sənayesi Anonim Şirkətinə (TUSAŞ) edilən terror hücumu haqqında danışarkən deyib.
“Biz bu PKK şərəfsizlərinə hər dəfə layiq olduqları cəzanı veririk, amma bunlar ağıllanmırlar. Hər zaman dediyimi bir daha təkrar edirəm: axırıncı terrorçu məhv edilməyənə qədər onların arxasını buraxmayacağıq. Bu edilənin əvəzini çıxacağıq. Bunu hər kəs görəcək, heç narahat olmayın”,- Yaşar Gülər əlavə edib.
ELÇİN
