Naftalan Şəhər İcra Hakimiyyətinin başçısı Vüqar Novruzov və şəhər Polis şöbəsinin rəisi Zaur Bədəlov “Gold Naftalan Hotel & SPA” Müalicə Mərkəzində müalicə alan Respublikanın xalq artisti, Prezidentin fərdi təqaüdçüsü Şahnaz xanım Haşımova və Respublikanın əməkdar artisti Eldar Abdullayevlə görüşüb, onların müalicəsi ilə maraqlanıblar.
Görüş zamanı əsası Ulu Öndər Heydər Əliyev tərəfindən qoyulan müstəqil Azərbaycanın mədəniyyət siyasətindən söhbət açıb. Möhtərəm Prezidentimiz cənab İlham Əliyevin, eləcədə Birinci vitse-prezident hörmətli Mehriban xanım Əliyevanın milli mənəvi dəyərlərimizə göstərdikləri yüksək diqqət və qayğıdan bəhs edib.
Şahnaz Haşımova və Eldar müəllim onlara göstərilən hərtərəfli diqqət və qayğı ilə əhatə olunduqları üçün minnətdarlıqlarını ifadə ediblər.
Qonaqlara xatirə hədiyyəsi təqdim edilib.
