Bakı, 24 oktyabr, AZƏRTAC
UEFA Avropa Liqasının əsas mərhələsinin üçüncü turunda Bakıda üz-üzə gələn “Qarabağ” və “Ayaks” (Niderland) komandaları arasında matçda hesab açılıb.
AZƏRTAC xəbər verir ki, Tofiq Bəhramov adına Respublika Stadionunda keçirilən qarşılaşmanın 36-cı dəqiqəsində rəqibin heyətində Kennet Teylor fərqlənib.
"Qarabağ"ın heyətində 15-ci dəqiqədə Julio Romao qırmızı vərəqə alaraq meydandan qovulub.
Oyunu Şotlandiyadan olan referi Nikolas Uolş idarə edir.
20:45
UEFA Avropa Liqasının əsas mərhələsində Bakıda “Qarabağ” və Niderlandın “Ayaks” komandası arasında keçirilən III tur oyunu start götürüb.
AZƏRTAC xəbər verir ki, Tofiq Bəhramov adına Respublika Stadionunda oynanılan qarşılaşma saat 20:45-də başlayıb.
Görüşü Şotlandiyadan olan referi Nikolas Uolş idarə edir.
