Sağlamlıq startapı “Alpha-9 Oncology” 175 milyon dollar investisiya alıb.
Valyuta.az-ın xəbərinə görə, şirkətin 175 milyon dollarlıq Series C investisiya raunduna “Lightspeed Venture Partners” və “Ascenta Capital” birgə rəhbərlik etdi.
“Alpha-9 Oncology” yeni investisiyadan klinik tədqiqatları dəstəkləmək və “Ar-Ge” və təchizat zəncirini gücləndirmək üçün istifadə edəcəyini açıqladı.
2019-cu ildə David Perrin tərəfindən qurulan “Alpha-9 Oncology” xərçəng müalicəsini yaxşılaşdırmaq üçün radiofarmasevtiklər istehsal edən bir şirkət kimi seçilir. Şirkət hazırladığı dərmanlarla xəstəliyin müalicə effektivliyini artırmağı və yan təsirləri azaltmağı qarşısına məqsəd qoyub.
Bu müalicələr ətrafdakı toxumaların zədələnmə riskini azaltmaqla yanaşı, xərçəng hüceyrələrini effektiv şəkildə məhv etmək məqsədi daşıyır. Tədqiqat və inkişafda o, mövcud müalicələri inkişaf etdirmək və klinik sınaqlar üçün yeni müalicə namizədlərini hazırlamaq üçün çalışır.
Nəzərinizə çatdıraq ki, radiofarmasevtiklər tərkibində radioaktiv maddələr olan və ümumiyyətlə tibbi məqsədlər üçün istifadə olunan dərmanlar kimi müəyyən edilir. Bu dərmanlar, xüsusilə xərçəng müalicəsində, radioaktiv şüaların köməyi ilə xərçəng hüceyrələrini hədəf almağı və bu hüceyrələri məhv etməyi hədəfləyir.
Radiofarmasötiklər görüntüləmə və ya müalicə məqsədləri üçün istifadə olunur. Ümumiyyətlə, ətrafdakı toxumaların zədələnmə riskini azaldan xüsusi hədəflərə yönəldilir.
Əvəz Həsənov
