Avropanın ən yaxşı komandalarının reytinq cədvəli açıqlanıb.
Fanat.Az xəbər verir ki, siyahıda qitənin 400 klubu yer alıb.
Azərbaycanın 4 komandası ən yaxşılar arasına daxil edilib.
"Qarabağ" 277 xalla 63-cü pillədə qərarlaşıb. Ötən reytinq sıralaması ilə müqayisədə Qurban Qurbanovun komandasının xal hesabı və mövqeyi dəyişməz qalıb.
Bir pillə geriləyən "Neftçi" 19 xalla 249-cu sıradadır.
15 xalı olan "Sabah" 9 pillə geriləyib və 279-cudur. Bir xal geri qalan "Zirə" 282-ci pillədə yer alıb. "Qartallar" 3 addım irəliləyib.
Qeyd edək ki, siyahıya 2410 xala malik "Real" başçılıq edir.
