“Mançester Siti”nin İngiltərə Premyer Liqasında uğurlu oyunlar seriyası davam edir.
Sportinfo.az xəbər verir ki, “şəhərlilər” son olaraq 9-cu turda ötən gün “Sauthempton”u evdə məğlub edib – 1:0.
Komanda Premyer Liqada artıq 52-ci ev oyununu məğlubiyyətsiz başa vurub. Xosep Qvardiolanın komandası sonuncu dəfə 2022-ci ilin noyabrında “Etihad”da “Brentford”a məğlub olub – 1:2.
“Mançester Siti” hazırda Premyer Liqada 9 turdan sonra 23 xalla liderdir.
