Kişi həndbolçulardan ibarət “Kür” klubunun avrokuboklardakı növbəti rəqibi sabah bəlli olacaq.
İdman.biz xəbər verir ki, Avropa kubokunda 3-cü mərhələnin püşkatması oktyabrın 29-da keçiriləcək.
2-ci mərhələni uğurla adlayan 32 komanda 16 cüt təşkil edəcək. Bu raundun ilk görüşləri noyabrın 23-24-də baş tutacaq. Cavab qarşılaşmaları noyabrın 30-da və dekabrın 1-də keçiriləcək.
Qeyd edək ki, Mingəçevir təmsilçisi 2-ci mərhələdə “Parnassios”u (Kipr) hər iki matçda məğlub edib – 35:31, 32:29.
İdman.biz
