Türkiyə Milli Müdafiə Nazirliyi İraqın şimalında növbəti hava zərbələri nəticəsində 23 PKK terrorçusunun məhv edildiyini açıqlayıb. Nazirliyinin mətbuat xidməti bildirib ki, hava əməliyyatı zamanı yerli istehsal olan sursatlardan istifadə edilib.
Oktyabrın 27-də Türkiyə Müdafiə Nazirliyi Suriyanın şimalında Türkiyə hərbçilərinin yerləşdiyi üç ərazidə 15 terrorçunun zərərsizləşdirildiyini bildirib. PKK terrorçularının Suriya qanadının daha 17 silahlısı oktyabrın 26-da Türkiyə ordusu tərəfindən məhv edilib.
23 oktyabrda Ankarada TUSAŞ müdafiə zavodunda 5 nəfərin ölümü, 22 nəfərin yaralanması ilə nəticələnən terror aktından sonra Türkiyə ordusu bölgədə terrorçulara qarşı zərbələri gücləndirib.
Türkiyə hökumətinin 28 oktyabrda ölkə prezidenti Rəcəb Tayyib Ərdoğanın sədrliyi ilə keçiriləcək iclasında terrorizmlə mübarizə əsas müzakirə mövzularından biri olub.
