“France Football” nəşrinin ilin ən yaxşı futbolçusu üçün təsis etdiyi “Qızıl top” mükafatının sahibi bəlli olub.
Təqdimetmə mərasimi Fransanın paytaxtı Parisdəki Şatle teatrında keçirilib.
İspaniyanın "Real" klubu mərasimi boykot etdiyi üçün tədbirdə iştirak etməyib.
İngiltərənin "Mançester Siti" komandasının ispaniyalı yarımmüdafiəçisi Rodri ilin ən yaxşı futbolçusu adına layiq görülüb.
Qeyd edək ki, “Qızıl top”un son qalibi 2023-cü ildə Argentina millisinin və ABŞ-nin “İnter Mayami” komandasının üzvü Lionel Messi olub.
Bundan başqa, Madrid “Real”ının italiyalı baş məşqçisi Karlo Ançelotti ilin ən yaxşı baş məşqçisi seçilib. Argentina millisinin qolkiperi Emiliano Martines isə “Lev Yaşin” mükafatına layiq görülüb.
