Argentinada 10 mərtəbəli Dubrovnik otelinin binası uçub. Dağıntılar altında qalanlar var.
Sfera.az xəbər verir ki, bu gün səhər saatlarında Argentinanın Buenos-Ayres əyalətinin sahilyanı Villa Gesell şəhərində otel binası uçub. Pilotsuz təyyarə ilə çəkilmiş video görüntülərdə binanın mərkəzi hissəsinin dağıntılara çevrildiyi görünür.
Çökmə zamanı oteldə tikinti sahəsinin işçiləri də daxil olmaqla 7-9 nəfər olduğu ehtimal edilir. Yerli şuradan inşaatçıların çox güman ki, bələdiyyə icazəsi olmadan həyata keçirilən layihə üzərində işlədiyi bildirilib.
Hazırda xilasetmə qrupları dağıntıları təmizləmək üçün çalışır.
Layihə bu ilin avqustunda şura tərəfindən dayandırılıb.
“Hazırda binanın uçmasının bütün təfərrüatları haqqında nəsə demək mümkün deyil, lakin çökən hissədəki konstruksiyanın qanunsuz olaraq dəyişdirildiyini təsdiqləmək olar”- deyə açıqlamada bildirilir.
Aynil
