“Napoli”nin baş məşqçisi Antonio Konte İtaliya A Seriyasının 10-cu turunda “Milan”a qarşı keçirdikləri səfər oyununu şərh edib.
Arena.az xatırladır ki, Napoli təmsilçisi səfər matçından 2:0 hesablı qələbə ilə ayrılaraq liderliyini qoruyub.
İtalyan mütəxəssisin bu oyun barədə fikrini təqdim edirik:
“İlk 10 turdan sonra əldə etdiyimiz məqam heyrətamiz və gözəldir. Mümkün qədər çox xal toplamağa çalışaraq addım-addım irəli getməliyik. Mövsüm başlamazdan əvvəl məqsədimiz avrokuboklara vəsiqə qazanmaq idi. Bu, “Napoli”nin əvvəlki mövsümdə 14 ildə ilk dəfə avrokuboksuz qaldığını nəzərə alsaq, vacibdir. Ancaq haradan başladığımızı da unutmamalıyıq. Ötən mövsüm 1-ci yerdən fərq 41 xal idi. Hazırkı “Napoli” isə karyeramdakı ən yaxşı komandalardan biridir. Bununla belə, mümkün uğursuzluqlara da hazır olmalıyıq”, deyə Antonio Konte vurğulayıb.
Qələbə sayəsəində “Napoli” 10 oyundan 25 xalla İtaliya A Seriyasının yarış cədvəlindəki mövqeyini qüvvətləndirib. “Eşşəkciklər” 9 oyundan 18 xal toplamış, 2-ci pillədə qərarlaşmış “İnter”i 7 xal qabaqlayırlar. “Milan” isə 9 oyundan 14 xalla 8-ci yerdə qərarlaşıb.
