ABŞ Konqresindəki hər iki siyasi partiyanın nümayəndələri noyabrın 5-nə təyin edilmiş prezident seçkilərindən sonra ölkədə siyasi zorakılığın artması ehtimalı ilə bağlı təşviş ifadə ediblər.
HİT.az xəbər verir ki, bu barədə "Axios" portalı qanunvericilərə istinadən yazıb.
Portalın söhbət etdiyi demokratların sözlərinə görə, respublikaçı namizəd Donald Tramp böyük ehtimalla məğlub olacağı təqdirdə seçkinin nəticələrinə etiraz etməyə çalışacaq. Onlar hesab edirlər ki, bu, ölkə daxilində geniş iğtişaşlara və ya hətta 2021-ci ilin yanvarında Tramp tərəfdarları tərəfindən Kapitoliyə hücuma bənzər hadisələrin təkrarlanmasına səbəb ola bilər. Bununla bağlı Demokrat Partiyası artıq ehtiyat tədbirləri görüb və seçkilərdən sonrakı gecə üçün planlaşdırılan tədbirləri mühafizə etmək üçün bir qrup polis cəlb edib.
"Biz mütləq yüksək riskli bir mühitdəyik. Heç bir şübhə yoxdur ki, biz ayıq olmalı və ehtiyat tədbirləri görməliyik", deyə demokrat Ceyson Krou bildirib.
Partiya üzvü Delia Ramirez deyib ki, Tramp qalib gəlsə, tərəfdarları gücləndirəcək və uduzduğu təqdirdə dörd il əvvəlkindən daha pis davranacaqlar.
6 yanvar 2021-ci ildə Vaşinqtonda daha əvvəl prezident seçkilərində Co Baydenin qalib gəldiyini elan edən Seçicilər Kollegiyasının səsverməsinin nəticələrinin təsdiqlənməli olduğu Konqresin iclası fonunda iğtişaşlar baş verib. Etirazçılar Kapitoliyə soxulublar və prosedur dayandırılmalı olub. Təhlükəsizlik qüvvələri ilə toqquşma zamanı bir neçə nəfər yaralanıb, 4 nəfəri xilas etmək mümkün olmayıb. Tezliklə Vaşinqtonun meri Muriel Bouzer şəhərdə komendant saatı elan edib.
Samir
