Türkiyə oktyabrın 27-dən Rusiyaya kərə yağı tədarük etməyə başlayıb. Musavat.com Rosselxoznadzorun mətbuat xidmətini məlumatına istinadən xəbər verir ki, artıq Türkiyədən Rusiyaya 20 ton məhsul idxal edilib.
Qeyd edək son aylarda Rusiyada kərə yağı sürətlə bahalaşır. Rosstat-ın məlumatına görə, ilin əvvəlindən oktyabrın 28-nə qədər pərakəndə satışda kərə yağı 25,7 faiz bahalaşıb.
Oktyabrın 22-dən oktyabrın 28-dək olan həftə ərzində artım 1,9 faiz təşkil edib. Bu isə o deməkdir ki, bahalaşma sürətlənib - bir həftə əvvəl 1,6 faiz idi. Bu, süd məhsulları bazarında ən yüksək artım tempidir.
Bundan əvvəl Rusiya Kənd Təsərrüfatı Nazirliyinin mətbuat xidməti məlumat vermişdi ki, nazirlik daxili bazarı təmin etmək və qiymətləri sabitləşdirmək üçün dost ölkələrdən kərə yağı idxalını artırmaq istiqamətində tədbirlər görür. Nazirliyin kərə yağı idxalını 6 ay müddətində rüsumlardan azad etməyi təklif edib.
Musavat.com
