Misli Premyer Liqasının 12-ci turunda lider "Neftçi"nin qonağı olacaq "Araz-Naxçıvan" meydana ciddi itkilərlə çıxacaq.
"Qırmızılar"ın mətbuat xidmətindən Fanat.Az-a verilən məlumata görə, komandada 4 itki var.
Üç zədəli futbolçusu olan Muxtar Respublika təmsilçisində kapitan Vadim Abdullayev iki gün əvvəl cərrahiyyə əməliyyatına məruz qalıb. Ötən turda iştirak edən Vadimdən fərqli olaraq, braziliyalı Karlos Jatoba və Ruslan Nəsirli mövsümün əvvəlindən, üç aydır zədədən əziyyət çəkirlər.
"Araz-Naxçıvan" üçün ən ciddi itki isə Nuno Rodrigesin yoxluğudur. Əsas heyət üzvü olan portuqaliyalı yarımmüdafiəçi cəzalı olduğu üçün Elmar Baxşıyev onu "Neftçi"yə qarşı oynada bilməyəcək. Ötən tur "Zirə" ilə matçda aldığı sarı vərəqə Nunonun bu mövsüm dördüncü xəbərdarlığı olduğu üçün o, cəzalı duurma düşüb.
Qeyd edək ki, "Neftçi" - "Araz-Naxçıvan" qarşılaşması noyabrın 1-də "Neftçi Arena"da keçiriləcək. Matçın start fiti 20:30-da səsləndiriləcək.
Mirağa
