İsrail ordusu Livanın paytaxtı Beyrutun cənubunda yerləşən Dahiyəyə gecə boyu intensiv hava zərbələri endirib.
Bakıvaxtı.az Livanın NNA xəbər agentliyinin məlumatına istinadla xəbər verir ki, İsrailin döyüş təyyarələri Dahiyənin Qubeyri, Kefaat, Seyid Hadi şossesi, Müctaba, köhnə hava limanı yolu, Tehvita əl-Ghadir, Ruways, Harik və Murayjih bölgələrinə hücumlar həyata keçirib.
Hücumlar onlarla binanın dağılmasına, eləcə də yanğınlara səbəb olub və hədəf alınan ərazilərdə böyük dağıntılara səbəb olub.
Sıx hava hücumları nəticəsində ölən və yaralananlar barədə məlumat verilməyib.
Qeyd edək ki, İsrail ordusunun Livana hücumları nəticəsində 2000-dən çox insan həyatını itirib.
Əli Hüseynov
