Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyeva və Bakı Media Mərkəzinin prezidenti Arzu Əliyeva Xalq yazıçısı, kinodramaturq və rejissor Maqsud İbrahimbəyovun yaradıcılıq mərkəzində Səməd Vurğun adına Akademik Rus Dram Teatrının aktyorlarının iştirakı ilə tamaşanı izləyiblər.
OLAY yazır ki, sözügedən tamaşa L.Əliyevanın şeirləri əsasında ərsəyə gəlib.
Aktyorlar İbrahim Çingiz, onun həyat yoldaşı Aydan Axundzadə, İnna İmanova, Aylin Turkkan və Milana Sokolenkonun canlandırdığı tamaşanın rejissoru Raulya Türkkandır.
Tamaşanı izləyənlər sırasında teatrın rəhbərliyi, kollektivi və Maqsud İbrahimbəyov da olub.
Leyla və Arzu Əliyevalar tamaşanı seyr etdikdən sonra aktyorlarla bir araya gəlib xatirə fotoları çəkdiriblər.
Həmin şəkilləri isə aktyorlar instaqram səhifələrində yayımlayıblar.
