““Onlar mənim Rusiyanın dostu olduğumu, Rusiya üçün işlədiyimi, rus casusu olduğumu söyləməyi xoşlayırlar. Bu insanlar xəstədir”
“AzPolitika” xəbər verir ki, bunu ABŞ-nin Respublikaçılar Partiyasının prezidentliyə namizədi Donald Tramp amerikalı jurnalist Taker Karlsona müsahibəsində deyib.
Tramp qeyd edib ki, o, dünyanın ən böyük qaz kəməri hesab olunan - “Şimal axını 2”nin tikintisini əngəlləyən şəxs olub. Keçmiş ABŞ lideri bunu ondan başqa heç kimin edə bilməyəcəyini iddia edib.
Tramp müsahibə əsnasında növbəti dəfə yenidən seçiləcəyi təqdirdə milyarder İlon Maskı və keçmiş prezidentliyə namizəd Robert Kennedini yüksək vəzifələrə təyin etmək istədiyini bildirib.
Tramp ABŞ prezidenti Co Bayden və Demokratlar Partiyasının namizədi Kamala Harrisi də tənqid etməyi unutmayıb. Baydenin uzun müddətdir ağlını “itirdiyini”, Harrisin isə “axmaq” olduğunu deyən Tramp, hər iki ABŞ rəsmini “xalqın düşməni” adlandırıb.
“AzPolitika.info”
