Rusiyalı mütəxəssislər doğum nisbətlərini artırmaq yollarını müzakirə etməyə davam edirlər.
Hafta.az-ın yazdığına görə, Moskvada keçirilən seminara təqdim edilən hesabatda ilk uşağın doğulmasının təşviq edilməsinin doğum nisbətinin artırılmasında səmərəsiz olduğu irəli sürülüb. Ali İqtisadiyyat Məktəbinin hazırladığı hesabatda uşaqsız cütlərin varlığının doğum nisbətlərinə ciddi təsir göstərmədiyi ortaya çıxıb.
Araşdırmaya görə, 1946-cı ildən 2022-ci ilə qədər doğum nisbətləri təhlil edildikdə, qadınların ilk övladını dünyaya gətirmə yaşının getdikcə artdığı görünür. Bu ortalama 2000-ci ildə 23,56 ikən 2022-ci ildə 26,06-ya yüksəlib. Bu vəziyyət demoqrafik baxımdan narahatlıq yaradır, çünki insanlar yaşlandıqca uşaq sahibi olma ehtimalı daha az olur.
Rus demoqraf Aleksey Rakşa ilk uşaq üçün təşviqlərin doğum nisbətini artırmaq üçün təsirli olmadığını ifadə etdi. Rakşanın sözlərinə görə, ilk uşağa maddi dəstək heç bir ölkədə doğum səviyyəsini artırmır. Demoqraf iddia edir ki, ikinci və üçüncü uşaqlar üçün stimullar ən təsirli olur.
Rakşa üçüncü uşaq üçün dövlətin 1 milyon rubl (10300 dollar) məbləğində stimul verməsini təklif edib. Ekspert bu təşviqin ipoteka əvəzinə geniş yardım paketi kimi təqdim edilməsinin təsirli ola biləcəyini bildirib.
