Birinci Qarabağ müharibəsində itkin düşmüş şəhid Cahangir Səfərovun qalıqları Ağdamda torpağa tapşırılıb.
APA xəbər verir ki, dəfn mərasimində şəhidin doğmaları, şahid ailəsi üzvləri, rayon ictimaiyyətinin nümayəndələri və rayon sakinləri iştirak edib.
Şəhidin nəşinin qalıqları rayonun Quzanlı qəsəbəsində yerləşən Şəhidlər xiyabanında dəfn olunub.
Qeyd edək ki, Ağdam rayon Yusifcanlı kənd sakini Səfərov Cahangir Səfralı oğlu 1942 - ci ildə Yusifcanlı kəndində anadan olub. Yusifcanlı kəndinin 1993- cü il iyunun 12-də birinci dəfə işğalı zamanı kənddə 4 nəfər kənd sakini girov düşüb. Onlardan biridə Cahangir Səfərov olub. Nəşinin qalıqları Xankəndi şəhərində aşkar edilib. Meyit qalıqları məhkəmə - tibbi Kriminalistik və məhkəmə - genetik ekspertizaları təyin edilməklə şəxsiyyəti dəqiqləşdrildikdən sonra ailəsinə təhvil verilib.
