Azərbaycan Silahlı Qüvvələrinin baş leytenantı olan Həsən Rzazadə 44 günlük Vətən müharibəsi ərzində Cəbrayıl, Qubadlı və Laçın uğrunda gedən döyüşlərə qatılıb və noyabrın 1-də Laçın döyüşləri zamanı qəhrəmancasına şəhid olub.
QHT.az xəbər verir ki, o, 1994-cü il iyunun 15-də Bakıda hərbçi ailəsində anadan olub. Əslən Zəngilan rayonundan olan Həsən uşaqlıqdan hərbiyə maraq göstərib və o, Azərbaycan Sülhməramlı Qüvvələrində xidmət edib. 2019-cu ilin yanvar ayından etibarən Əfqanıstanda beynəlxalq sülhməramlı taborda xidmət göstərib və "Əfqanıstanda sülhməramlı missiyaya görə" medalı ilə təltif edilib.
Həsən Rzazadə göstərdiyi qəhrəmanlığa görə Azərbaycan Respublikasının Prezidenti İlham Əliyevin Sərəncamına əsasən ölümündən sonra "Vətən uğrunda", "Cəbrayılın azad olunmasına görə", "Qubadlının azad olunmasına görə", "Laçının azad olunmasına görə" medalları və "Qarabağ" ordeni ilə təltif edilib.
Ruhu şad olsun!
