Rusiyada maraqlı hadisə baş verib. Krasnoyarsk diyarında Dövlət Yol Müfəttişliyi “UAZ Patriot” markalı yolsuzluq avtomobilində 13 uşağı daşıyan çoxuşaqlı atanı saxlayıb. Bu barədə Rusiya Daxili İşlər Nazirliyinin regional idarəsinin Telegram-kanalında məlumat verilib.
Yol polisi əməkdaşları Şuşenski rayonunun Sineborsk kəndində “UAZ” markalı avtomobili saxlayıblar. Sürücüdən başqa salonda 5-12 yaş arası 13 uşaq olub. Onlar uşaq oturacaqları olmadan daşınıblar.
“Məlum olub ki, yolsuzluq avtomobilini idarə edən 57 yaşlı kişi salondakı uşaqların atası imiş. Azyaşlı sərnişinlərin daşınması qaydalarını pozduğuna görə avtomobil sahibinə qarşı inzibati cəza tərtib edilib və o, 3 min rubl məbləğində cərimələnib”, - deyə polisin hesabatında qeyd olunub.
Tural
