Braziliyalı müdafiəçi Marselo "Fluminense"ni tərk edib.
İdman.biz xəbər verir ki, bu barədə klubun mətbuat xidməti məlumat yayıb.
Tərəflər müqaviləyə qarşılıqlı şəkildə xitam veriblər. Buna səbəb 36 yaşlı müdafiəçinin baş məşqçi Mano Menezeslə mübahisə etməsi olub. "Qremio" ilə görüşdə Marselo meydana daxil olarkən mütəxəssisin tapşırıqlarına qulaq asmaq istəməyib. Nəticədə onlar arasında taktika ilə bağlı mübahisə yaranıb və futbolçu meydana çıxmayıb.
Qeyd edək ki, Marselo Braziliya A Seriyasında 17 oyunda 1 qol və 1 ötürmə ilə yadda qalıb.
İdman.biz
