Bu gün futbol üzrə İngiltərə çempionatında (Premyer Liqa) 2024/2025-ci illər mövsümünün 10-cu turuna start verilib.
Arena.az xəbər verir ki, ilk oyun günündə 7 qarşılaşma baş tutub.
“İpsviç Taun” – “Lester Siti” matçında komandalar hərəyə 1 qol və 1 xalla kifayətləniblər. Dörd qolun qeydə alındığı “Vulverhempton” – “Kristal Pelas” görüşündə də qalib müəyyənləşməyib.
“Nottingem Forest” “Vest Hem”i, “Sauthempton” isə “Everton”u məğlub yola salıb. “Liverpul” da “Brayton”la ev oyununda növbəti qələbəsini qazanmaqla yenidən zirvəyə qayıdıb. Buna “qırmızılar”ın əsas rəqiblərinin 10-cu turu məğlubiyyətlə başa vurması da şərait yaradıb. Belə ki, “Arsenal” səfərdə “Nyukasl”a, son çempion “Mançester Siti” isə “Bornmut”a uduzub.
Qeyd edək ki, Premyer Liqanın 10-cu turunun qalan görüşləri noyabrın 3-də və 4-də keçiriləcək.
İngiltərə, Premyer Liqa
10-cu tur
2 noyabr
Nyukasl – Arsenal 1:0
Qol: A.İsak, 12.
Bornmut – Mançester Siti 2:1
Qollar: Semenyo, 9. Evanilson, 64 – Qvardiol, 82.
İpsviç Taun – Lester Siti 1:1
Qollar: Devis, 55 – Ayyu, 90+4.
Liverpul – Brayton 2:1
Qollar: Qakpo, 69. Salah, 72 – F.Kadıoğlu, 14.
Nottingem Forest – Vest Hem 3:0
Qollar: Vud, 27. Hadson-Odoi, 65. Aina, 78.
Sauthempton – Everton 1:0
Qol: Armstronq, 85.
Vulverhempton – Kristal Pelas 2:2
Qollar: Larsen, 67. Qomes, 72 – Çaloba, 60. Qehi, 77.
3 noyabr
18:00. Tottenhem – Aston Villa
20:30. Mançester Yunayted – Çelsi
4 noyabr
00:00. Fulhem – Brentford
